Moin lé là

Un jour, dan’ grand matin

Moin la ‘trap’ tout’ mon peu d’l’héritage

Moin la descend’ dan’ chemin

Sans retourner moin la quitte la case

 

Quand moin la fin’ traverser

Moin la ‘rrive pou regretter

Zordi, moin lé là

 

Tout l’temps que moin lé parti

Moin la rôde un’ ti coin la lumière

Dan’ fénoir l’avait pu

Un papa pou veille su mon bonhèr’

 

Et agarde à moin astèr

Ou vois bien que mi désespère

Zordi moin lé là

 

Longtemps nu té marche ensemb’

Moin té out’ marmaille et moin l’étais fier

Mais zordi mon mains y tremb’

Mon racines la perde et mon cœur y plère

 

Mi bataille pou un goyave

Laisse à moin res’ out’ l’esclave

Zordi moin lé là

 

Mi mérite pas porte out’ nom

Mi demand’ à ou pardon

 

Zordi moin lé là

 

Jocelyn Cassirame

Album : Chréole